EFPA Branch Manager
Այս հավաստագրման ծրագիրը հատուկ մշակված է Հայաստանի բանկային ոլորտի մասնագետների համար։ Ծրագիրը ապահովում է, որ մասնաճյուղերի ղեկավարները համապատասխանեն եվրոպական բանկային չափանիշներին՝ միաժամանակ հաշվի առնելով Հայաստանի ֆինանսական ոլորտի զարգացող կարիքները։ Այն ղեկավարներին հնարավորություն է տալիս վստահորեն առաջնորդել թիմերը, օպտիմալացնել գործառնությունները, կառավարել ռիսկերը և հասնել բիզնեսի սահմանված նպատակներին։
Թիրախային լսարան
Մասնաճյուղերի գործող ղեկավարներ, մասնաճյուղերի ղեկավարների տեղակալներ / օգնականներ, տարածաշրջանային բանկային գործունեության վերահսկիչներ, բարձր ներուժ ունեցող բանկային ոլորտի մասնագետներ, ովքեր պատրաստվում են ստանձնել ղեկավար պաշտոններ
Շարունակական մասնագիտական զարգացման ծրագիր
Մասնագիտական կարողությունների բարձր մակարդակը պահպանելու և գիտելիքները թարմացնելու նպատակով EFPA-ն իր հավաստագիր ունեցողներից պահանջում է մասնակցել շարունակական մասնագիտական զարգացման (CPD) ծրագրին։ CPD ծրագրի շրջանակներում ճանաչվող մասնագիտական զարգացման միջոցառումները կարող են ներառել ներքին կամ արտաքին ուսուցման ծրագրեր, սեմինարներ, վեբինարներ և համաժողովներ։
Ավարտական քննություն
Քննությանը մասնակցելու համար մասնակիցները պետք է ավարտած լինեն ուսուցման բոլոր մոդուլները։ Դասընթացների առնվազն 90%-ի մասնակցությունը պարտադիր է։ Բազմակի ընտրության հարցեր։ Հանձնելու համար անհրաժեշտ է առնվազն 60% ընդհանուր արդյունք, թույլատրվում է մեկ անվճար վերահանձնում։ Քննությանը մասնակցելու համար անհրաժեշտ է ունենալ դասընթացին մասնակցության հավաստագիր։ Քննություններն անցկացվում են EFPA Armenia-ի կողմից՝ ծրագրի ավարտից հետո, ՀԲՄ-ի տարածքում։
Քննության գրանցում
Քննությանը մասնակցելու իրավասություն ստանալու համար անհրաժեշտ է հաջողությամբ ավարտել ուսուցման դասընթացը։ Վճարումը կատարվում է միայն դասընթացի ավարտից հետո։
Քննության վճար
Վերապատրաստման ծրագիր
| Թեմա | Տևողություն (օր/ժամ) | |
|---|---|---|
| Մոդուլ 1 | Մասնաճյուղի կառավարման հիմնական գործառույթներն ու գործընթացները | 5 ժամ, ներառյալ՝ 3 ժամ առկա ուսուցմամբ |
| Մոդուլ 2 | Մասնաճյուղի գործառնություններ և ռիսկերի կառավարում | 5 ժամ, ներառյալ՝ 3 ժամ առկա ուսուցմամբ |
| Մոդուլ 3 | Թվային փոխակերպում և մասնաճյուղերի ապագան | 5 ժամ, ներառյալ՝ 3 ժամ առկա ուսուցմամբ |
| Մոդուլ 4 | Վաճառք և հաճախորդների հետ հարաբերությունների կառավարում | 5 ժամ, ներառյալ՝ 3 ժամ առկա ուսուցմամբ |
| Մոդուլ 5 | Շահույթ և վնաս (P&L) և մասնաճյուղի շահութաբերություն | 5 ժամ, ներառյալ՝ 3 ժամ առկա ուսուցմամբ |
| Մոդուլ 6 | Կարգավորում, ռիսկեր և էթիկա | 10 ժամ, ներառյալ՝ 3 ժամ առկա ուսուցմամբ |
| Ընդամենը | 35 ժ՝ ներառյալ 21 ժ առկա |
Ներբեռնել PDF
հեռախոս:
+374 60 52 22 33
Էլ. փոստ:
efpa.armenia@uba.am